Baltasar Gracián អ្នកនិពន្ធអេស្ប៉ាញ៖ «បើមានតែចំណេះដឹង តែគ្មានសេចក្ដីក្លាហាន គឺអត់ប្រយោជន៍»
«បើមានតែចំណេះដឹង តែគ្មានសេចក្ដីក្លាហាន គឺអត់ប្រយោជន៍»។ នេះជាពំនោលរបស់លោកBaltasar Gracián អ្នកនិពន្ធដ៏ល្បីក្នុងបុរាណរបស់អេស្ប៉ាញ។ ក្នុងន័យនេះ លោកចង់បញ្ជាក់ថា មានចំណេះដឹងច្រើនប៉ុណ្ណាក៏អត់ប្រយោជន៍ ប្រសិនបើអ្នកមិនហ៊ានយកវាទៅប្រើឲ្យចេញជាប្រយោជន៍។
![](https://blogger.googleusercontent.com/img/b/R29vZ2xl/AVvXsEiNOYnN9WF8NYN8JzruQCYkX1rFwKP-xTbCyRH-gaOYfRc3z6Oyi6eSPhOMazrwHixUzLbYnhMKeH90bDK_dhLqQtNnqStF4jLMUHgvCAWtBDmwph8DHctNPcBJC_EztaDqxEzCXGzzL5re/s640/Baltasar_Graci%25C3%25A1n_retrato_de_Graus2111.jpg)
ក្នុងសង្គមនីមួយៗ ការលំបាកទី១ដែលគេជួបប្រទះនោះ គឺស្វែងរកមនុស្សដែលអ្នកមានចំណេះដឹងខ្ពស់ ហើយទី២នោះគឺ ការរកឲ្យឃើញមនុស្សដែលមានចំណេះដឹងខ្ពស់ហើយ ហ៊ានអនុវត្តគំនិត ឬការយល់ឃើញរបស់ខ្លួន។ អ្នកខ្លះពូកែខាងទ្រឹស្ដី ប៉ុន្តែដល់ពេលឲ្យធ្វើ បែរជាមិនហ៊ានធ្វើ ព្រោះហេតុផលនេះហេតុផលនោះ។ អ៊ីចឹងហើយ មនុស្សដែលមានចំណេះដឹងខ្ពស់តែមិនហ៊ានធ្វើបែបនេះ គឺនៅតែមិនទាន់អាចចាត់ទុកថា ជាមនុស្សពូកែនៅឡើយ។
![](https://blogger.googleusercontent.com/img/b/R29vZ2xl/AVvXsEj7WtPUZ-b61WKfN5Y2K5oHtom4rrT_QGJlRU_tXKVeOD1CBkmRx5UClcdxkgzmduZ0brjWebDSZ2OfDLzd09SPyNqHSsiun9v8brjsW9K3ApRjn1JYCx9wFQ4vMWci2YZp5VboxP7h9Rn4/s400/Graci%25C3%25A1n%252C_Calatayud.jpg)
ចេះដឹងច្រើនតែ ខ្វះភាពក្លាហានក្នុងការអនុវត្តបបែបនេះ អាចបណ្ដាលមកពីកង្វះបទពិសោធន៍ ព្រោះពេលរៀន គឺដឹងតែពីរៀន ពេលអានដឹងតែពីអាន ដោយមិនបានព្យាយាមស្វែងរកពិសោធន៍ក្នុងជីវិត ដូច្នេះហើយដល់ពេលអនុវត្តមែនទែន គឺមិនច្បាស់ខ្លួនឯង។ ដូច្នេះហើយ ត្រូវព្យាយាមធ្វើឲ្យណាឲ្យចំណេះដឹងរបស់អ្នកកើតចេញជាប្រយោជន៍ តាមរយៈសកម្មភាព ព្រោះបើអ្នកមិនអាចអនុវត្តវាបាននោះទេ ចំណេះដឹ'ងតែមានទាំងអំបាលម៉ាននោះគឺយកមកនាំតែធ្ងន់ខ្លួន។
![](https://blogger.googleusercontent.com/img/b/R29vZ2xl/AVvXsEi045rq02pBrLDIt9LJJ4w2J83M9EB87A1TCZXB0Kurx_xKHakoVcWiJP4_hSWtoUH91nFTcpdY-gmmJ19TTYpuW-Up0djShXFN5s816SEQR_3qt_SQUbcxdPbGSqweIDUK5wHyWhuHJSqc/s640/Baltasar_Gracian_21772.jpg_1306973099.jpg)
Post a Comment