អ្នក​ប្រាជ្ញ​ផ្នែក​រូប​វិទ្យា​​Albert Einstein៖ «មនុស្ស​ដែល​មិន​ដែល​ខុស​ ​មាន​ន័យ​ថា​ ​​មិន​ដែល​ធ្វើ​អ្វី​ថ្មី»

ក្នុងលោកនេះ គ្មាននរណាម្នាក់ដែលមិនធ្លាប់ធ្វើខុសនោះទេ គ្រាន់តែតិចឬច្រើន និង ធំឬតូចប៉ុណ្ណោះ។ អ្វីដែលសំខាន់ត្រូវព្យាយាមកុំឲ្យខុស ហើយបើខុសគឺត្រូវតែព្យាយាមរៀនសូត្រពីកំហុសទាំងនោះ ហើយធ្វើយ៉ាងណាកុំឲ្យខុសបែបហ្នឹងទៀតនៅថ្ងៃក្រោយ។ បើតាមលោក Albert Einstein ដែលជាអ្នកប្រាជ្ញដ៏ល្បីផ្នែករូបវិទ្យា បានលើកឡើងជាគតិថា៖ «មនុស្សដែលមិនដែលធ្វើខុសសោះ គឺជាមនុស្សដែលមិនព្យាយាមធ្វើអ្វីថ្មីទាល់តែសោះ»។ ក្នុងន័យនេះ លោកចង់បញ្ជាក់ថា បើអ្នកចាប់ផ្ដើមអ្វីមួយដែលថ្មី គឺប្រាកណាស់ថា កំហុសជាច្រើននឹងកើតឡើង។ ប៉ុន្តែកុំបារម្ភជ្រុលចំពោះរឿងទាំងនេះ ព្រោះវាជារឿងធម្មតាប៉ុណ្ណោះ។ ដូច្នេះសូមកុំខ្លាចក្នុងការធ្វើអ្វីដែលថ្មី ព្រោះការធ្វើរឿងដដែលៗ ដោយសារខ្លាចមានកំហុសនោះ គឺមិនអាចជួយឲ្យជីវិតរបស់អ្នកប្រសើរបាននោះទេ៕